நிலா(வீட்டு)க்கு போய்ட்டேன் - 5

ஊர் சுத்தல் ஒண்ணு.     ரெண்டு.     மூணு.     நாலு.

திடீர்னு சைட்ல பாக்ஸ் மேல கால்கள் இளைப்பாறும். என்ன இப்டி திடீர்னு ஆரம்பிச்சேன் இந்த வாரம்னு பாக்கறிங்களா?? இதே மாதிரித்தான் திடீர்னு எங்க கைய தள்ளி விட்டுட்டு காலை வச்சுக்குவாங்க. அதிலயும் சண்டை வந்திட்டதால மணிக்கு ஒருத்தர் என்று முடிவாகி டைம் அவுட் சொல்ல வேண்டிய பொறுப்பு என் கிட்ட கொடுக்கப்பட்டது.

இப்போ ஒரு வழியா சுவீடன் நாட்டுக்குள்ள வலது டயர் உருண்டு போயாச்சு. முன்னல்லாம் பார்டர்ல செக் பாயிண்ட் மாதிரி வச்சிருந்தாங்க. இப்போ எதையும் காணோம். அந்த இடம் வெறிச்னு இருந்திச்சு. இனிமே இப்படியே நேராஆஆஆ போயிட்டே இருக்கும் பாதை. ஸ்கண்டினேவியன் நாடுகளான நோர்வே, சுவீடன், டென்மார்க்கில பெரும்பாலும் ஹை வேல ரெண்டு லேன் இருக்கும். சில இடங்கள்ல மூணாவும், ஒண்ணாவும் மாறி மாறி வரும்.

 

கண்ணாளன் முகத்தில இப்போ அவ்ளோ மலர்ச்சி. ஸ்பீட் குறைஞ்சது 110km என்ற சைன் பாத்துட்டார்ல. அதான் குஷி. இனி ரெக்கை கட்டிக்கும் டயர்களுக்கு. அவர் பாட்டுக்கு ஓவர் டேக் பண்ணிட்டு போயிட்டே இருப்பார். சில கார்கள் அடிக்கடி எங்களை ஓவர் டெக் செய்யும். அப்புறம் நாங்க அவங்களை. அப்படி அடிக்கடி சந்திக்கும்போது குட்டியா ஒரு சிரிப்பு பரிமாறிக்குவோம். சிலர் கடுப்ஸ். இந்த கருப்புங்க எங்கள முந்தவான்னு. அதிலயும் பசங்க இருந்தாங்கன்னா கை ஆட்டி சிரிச்சுட்டு போவாங்க.

பச்சையும் மஞ்சளுமாய் கம்பளம் விரித்து வைத்த வயல் வெளிகள். இந்த வருஷ காலநிலை சரியா இல்லாததால நிறைய இடங்கள் வரட்சியா இருந்துது.

நோர்வே மண் கன்னங்கரேர்னு இருக்கும். சுவீடன்ல பழுப்பு நிறமா மண் மட்டுமில்லாம மலைகளும் பழுப்பாவே இருந்திச்சு. குட்டியா இருந்தா குன்றுன்னு சொல்லணுமோ??

இது என்ன செடினு தெரியலை. ஆனா எங்க பாத்தாலும் சோளப் பொரி தூவி வச்ச மாதிரி இருந்துது.

இது சுவீடன்ல தரை இறங்குற  ஏரோப்ளேன். நல்லா பாத்துக்கோங்க. பாத்திட்டு கொஞ்சம் ரெஸ்ட் எடுங்க. அடுத்த ஸ்டாப்பிங்ல மதிய சாப்பாடு.

வர்ட்டா..