முன்னே ஒரு U பின்னே ஒரு A..

விரிந்து கொண்ட சிறகுகளுக்குத்

தெரியவில்லை

இது எட்டா வானம் நோக்கிய

முடிவில்லாப் பயணம் என்று

போகட்டும் விட்டுவிடு..

முடிந்த வரை பறந்து சாகட்டும்!!

புரிந்து கொண்ட மனதின்

கெஞ்சுதலை மீறி

ஒடித்துப் போடத் தோன்றவில்லை

பரிதாபமான என் சிறகுகளை.

#####               #####                #####                #####                #####                #####

எதுவோ சொன்னேன்

mm என்றான்

முன்னே ஒரு u

பின்னே ஒரு a

சேர்த்து சொல்லு என்றேன்

சொன்னதை செய்யும்

வழக்கம் தெரியாத என் கண்ணன்

சொல்லவில்லை..

கொடுத்தான்..

umma..

#####               #####                #####                #####                #####                #####

முத்து முத்தாய் மழைத் துளிகள்

கூடவே கண்ணீர்த் துளிகள்

என் மடியில் பட்டுத் தெறித்தன

உன்னோடு நனையாத

ஒவ்வொரு மழைக்கும்

சொல்லி அனுப்புகிறேன்

நாளை என் கண்ணன்

என்னுடன் இருப்பான்..

மறக்காமல் வந்துவிடு!!

#####               #####                #####                #####                #####                #####